ಬಿಸಿನೆಸ್ ನ್ಯೂಸ್: ಮಹಿಳೆಯರು ಮತ್ತು ಯುವಕರಿಗೆ ಸುವರ್ಣ ಅವಕಾಶ
ಗ್ರಾಮೀಣ ಪ್ರದೇಶದಲ್ಲಿ ಉದ್ಯೋಗ ಕೊರತೆ ಹಾಗೂ ಆದಾಯದ ಅನಿಶ್ಚಿತತೆ ನಡುವೆ ಮಷ್ರೂಮ್ (ಅಣಬೆ) ಕೃಷಿ ಮಹಿಳೆಯರು ಮತ್ತು ಯುವಕರಿಗೆ ತಿಂಗಳಿಗೆ ₹30,000 ವರೆಗೆ ಶುದ್ಧ ಲಾಭ ನೀಡುವ ಭರವಸೆಯ ಉದ್ಯಮವಾಗಿ ಹೊರಹೊಮ್ಮಿದೆ. ಕಡಿಮೆ ಬಂಡವಾಳ, ಕಡಿಮೆ ಜಾಗ ಮತ್ತು ತ್ವರಿತ ಉತ್ಪಾದನೆ ಈ ಬಿಸಿನೆಸ್ನ ಪ್ರಮುಖ ಆಕರ್ಷಣೆಗಳಾಗಿವೆ.
ಕೇವಲ ಮನೆಯ ಒಂದು ಕೊಠಡಿ ಅಥವಾ ಸಣ್ಣ ಶೆಡ್ನಲ್ಲಿ ಆರಂಭಿಸಬಹುದಾದ ಈ ಉದ್ಯಮಕ್ಕೆ ಹೆಚ್ಚಿನ ಯಂತ್ರೋಪಕರಣಗಳ ಅವಶ್ಯಕತೆ ಇಲ್ಲ. ಬತ್ತದ ಹುಲ್ಲು, ಪ್ಲಾಸ್ಟಿಕ್ ಬ್ಯಾಗ್ ಮತ್ತು ಮಷ್ರೂಮ್ ಬೀಜ (ಸ್ಪಾನ್) ಬಳಸಿ ಓಯ್ಸ್ಟರ್ ಮಷ್ರೂಮ್ ಬೆಳೆಯಲಾಗುತ್ತದೆ. 25–30 ದಿನಗಳಲ್ಲಿ ಕೊಯ್ಲು ಸಿದ್ಧವಾಗುವುದರಿಂದ ತಿಂಗಳಿಗೆ ಎರಡು ಸೈಕಲ್ ಉತ್ಪಾದನೆ ಸಾಧ್ಯ.
₹30,000 ಲಾಭ ಸಾಧ್ಯತೆ ಹೇಗೆ?
ಬಿಸಿನೆಸ್ ತಜ್ಞರ ಅಂದಾಜಿನಂತೆ, 40–50 ಬ್ಯಾಗ್ಗಳಿಂದ ಆರಂಭಿಸಿದರೆ ತಿಂಗಳಿಗೆ ಸರಾಸರಿ 120–150 ಕೆಜಿ ಮಷ್ರೂಮ್ ಉತ್ಪಾದನೆ ಸಾಧ್ಯ. ಪ್ರತಿ ಕೆಜಿಗೆ ₹200 ರಂತೆ ಮಾರಾಟ ಮಾಡಿದರೂ ಮಹಿಳೆಯರು ಮತ್ತು ಯುವಕರು ತಿಂಗಳಿಗೆ ₹25,000 ರಿಂದ ₹30,000 ವರೆಗೆ ಶುದ್ಧ ಲಾಭ ಗಳಿಸಬಹುದು.
ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆ
ಆರೋಗ್ಯಕರ ಆಹಾರದತ್ತ ಜನರ ಒಲವು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಮಷ್ರೂಮ್ಗಳಿಗೆ ನಗರ–ಗ್ರಾಮೀಣ ಮಾರುಕಟ್ಟೆಗಳಲ್ಲಿ ಬೇಡಿಕೆ ಹೆಚ್ಚಾಗಿದೆ. ಹೋಟೆಲ್, ತರಕಾರಿ ಅಂಗಡಿಗಳು ಹಾಗೂ ನೇರ ಗ್ರಾಹಕರಿಗೆ WhatsApp ಮತ್ತು ಸಾಮಾಜಿಕ ಜಾಲತಾಣಗಳ ಮೂಲಕ ಮಾರಾಟ ಮಾಡಿ ಮಧ್ಯವರ್ತಿಗಳಿಲ್ಲದೆ ಲಾಭ ಪಡೆಯುತ್ತಿದ್ದಾರೆ.
ಸರ್ಕಾರಿ ಬೆಂಬಲವೂ ಇದೆ
ಕೃಷಿ ಇಲಾಖೆ ಮತ್ತು ತೋಟಗಾರಿಕಾ ಇಲಾಖೆಗಳ ಮೂಲಕ ಮಷ್ರೂಮ್ ಕೃಷಿಗೆ ತರಬೇತಿ, ತಾಂತ್ರಿಕ ಮಾರ್ಗದರ್ಶನ ಮತ್ತು ಸಬ್ಸಿಡಿ ಸೌಲಭ್ಯವೂ ದೊರೆಯುತ್ತಿದೆ. ಸ್ವಸಹಾಯ ಸಂಘಗಳ ಮೂಲಕ ಸಾಲ ಸೌಲಭ್ಯವೂ ಲಭ್ಯವಿದ್ದು, ಇದು ಉದ್ಯಮ ಆರಂಭಕ್ಕೆ ನೆರವಾಗುತ್ತಿದೆ.
ಒಟ್ಟಾರೆ, ಕಡಿಮೆ ಹೂಡಿಕೆಯಲ್ಲಿ ಸ್ಥಿರ ಆದಾಯ ಹುಡುಕುತ್ತಿರುವ ಮಹಿಳೆಯರು ಮತ್ತು ಯುವಕರಿಗೆ ಮಷ್ರೂಮ್ ಕೃಷಿ ತಿಂಗಳಿಗೆ 30 ಸಾವಿರ ದಿಂದ 1 ಲಕ್ಷ ಲಾಭ ನೀಡುವ ಶಕ್ತಿಶಾಲಿ ಅಗ್ರಿ ಬಿಸಿನೆಸ್ ಮಾದರಿಯಾಗಿ ರೂಪುಗೊಂಡಿದೆ.
ಹೆಚ್ಚಿನ ಮಾಹಿತಿಗಾಗಿ ಹತ್ತಿರದ ಕೃಷಿ ಮತ್ತು ತೋಟಗಾರಿಕಾ ಇಲಾಖೆಯನ್ನು ಮತ್ತು ಕೆಳದಿ ಶಿವಪ್ಪ ನಾಯಕ ಕೃಷಿ ವಿಶ್ವವಿದ್ಯಾಲಯವನ್ನು ಸಂಪರ್ಕಿಸಿ.
Leave a Reply