ಕೋಣಂದೂರು: ಸಿಐಎಸ್ಸಿಇ (CISCE) ಝೋನಲ್ ಕರಾಟೆ ಚಾಂಪಿಯನ್ಶಿಪ್–2026ರಲ್ಲಿ ಕೋಣಂದೂರಿನ ಎನ್ಆರ್ಎಸ್ ರೆಸಿಡೆನ್ಶಿಯಲ್ ಸ್ಕೂಲ್ ವಿದ್ಯಾರ್ಥಿಗಳು ಅತ್ಯುತ್ತಮ ಸಾಧನೆ ಮಾಡಿ ಶಾಲೆಯ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ.
ಹಟ್ಟಿಯಂಗಡಿಯ ಸಿದ್ದಿವಿನಾಯಕ ರೆಸಿಡೆನ್ಶಿಯಲ್ ಸ್ಕೂಲ್ನಲ್ಲಿ ನಡೆದ ಈ ಚಾಂಪಿಯನ್ಶಿಪ್ನಲ್ಲಿ ಎನ್ಆರ್ಎಸ್ ಶಾಲೆಯ 22 ವಿದ್ಯಾರ್ಥಿಗಳು ಭಾಗವಹಿಸಿದ್ದು, ಅವರಲ್ಲಿ 16 ವಿದ್ಯಾರ್ಥಿಗಳು ವಿವಿಧ ವಿಭಾಗಗಳಲ್ಲಿ ಪದಕಗಳನ್ನು ಗೆದ್ದಿದ್ದಾರೆ. ಅಲ್ಲದೆ, 8 ವಿದ್ಯಾರ್ಥಿಗಳು ಪ್ರಥಮ ಸ್ಥಾನ ಪಡೆದು ಪ್ರಾಂತೀಯ (Regional) ಹಂತದ ಸ್ಪರ್ಧೆಗೆ ಅರ್ಹತೆ ಪಡೆದಿದ್ದಾರೆ.
ಕುಮಿಟೆ (Kumite) ವಿಭಾಗದಲ್ಲಿ ಸಮರ್ಥ ಹೆಚ್.ಎಸ್., ಶ್ರೀಶಾ ಆರ್., ತೇಜಸ್ ಕೆ., ಯುಕೇಶ್ ಸೇನ್ , ಸಾಧ್ವಿ ಎಸ್. ಜೋಯ್ಸ್,ಸಮರ್ಥ್ ಹೆಚ್ ಎಸ್,ಲಿತೀಶ್ ವಿ., ಸುಶಾಂತ್ ರಾವ್ ಎಸ್. ಸೇರಿದಂತೆ ಹಲವು ವಿದ್ಯಾರ್ಥಿಗಳು ವಿವಿಧ ವಿಭಾಗಗಳಲ್ಲಿ ಉತ್ತಮ ಪ್ರದರ್ಶನ ನೀಡಿ ಪ್ರಾಂತೀಯ ಹಂತಕ್ಕೆ ಆಯ್ಕೆಯಾಗಿದ್ದಾರೆ.
ವಿದ್ಯಾರ್ಥಿಗಳ ಈ ಸಾಧನೆಗೆ ನ್ಯಾಷನಲ್ ಎಜುಕೇಶನ್ ಸೊಸೈಟಿ (ರಿ.), ಶಿವಮೊಗ್ಗದ ಅಧ್ಯಕ್ಷ ಜಿ ಎಸ್ ನಾರಾಯಣ ರಾವ್,ಕಾರ್ಯದರ್ಶಿ ಎಸ್.ಎನ್. ನಾಗರಾಜ್, ಶಾಲೆಯ ಪ್ರಾಂಶುಪಾಲ ಕೆ.ಎಸ್. ವಾಸುದೇವ, ಆಡಳಿತ ಮಂಡಳಿ ಹಾಗೂ ಶಿಕ್ಷಕ ವೃಂದ ಅಭಿನಂದನೆ ಸಲ್ಲಿಸಿ ಶುಭ ಹಾರೈಸಿದ್ದಾರೆ.
Leave a Reply